الوادم لو لفاها الليل ...تم القراءة بعام 2009 م لاستشهاد مولاتنا السيدة زينب عليها السلام بصوت الحاج الرادود ملا باسم الكربلائي

الـوادم  لـو لـفـاها الليل تعد الليل للونسة
وانا شچم ليل چم مصباح يجي ويروح من نفسه
اه ياليل .. ماتم حيل ...... ابوية وغربت شمسه

انـا  بچم  لـيـل نـاغيته ونيمته بجرح گلبي
واراقـب  نجمة  التهوي وعيني على الجسر تربي
ويـتـمـسى  بسواد الليل وماوچد بعد دربي
اه  يــالــيــل .. مــاتـم حـيـل

الـوادم  لـو  لـفـاها الليل تتهيأ لذاك الليل
لـلـمسامر  تطيب نفوس وجروح الحياة تزيل
وانـا  مـن يـوافـيني اصرخ والدموع تسيل
اه  يــالــيــل .. مــاتـم حـيـل

عگب  ذيچ  الـلـيالي البيض المحفوفة بسعادتنا
شـفـت  لـيل  الخرابة ونار من جمرة مصيبتنا
وهـنـده الـخادمة عدنا صفت هاليوم اميرتنا
اه  يــالــيــل .. مــاتـم حـيـل

نـهـاري مـو نـهـار الناس وليلي بيه مبلية
نـهـاري شـلـون بـيه ارتاح واتهنى بلياليه
واشـاهـد عـمتي زينب بيتامى حسين مسبية
اه  يــالــيــل .. مــاتـم حـيـل

انـا بـبيت السعادة ربيت وترعرعت باحضانه
وابـويـة  حسين دللني وجساني بغمرة احسانه
صدك  طفلته گبال يزيد صدگ توگف بديوانه
اه  يــالــيــل .. مــاتـم حـيـل

يـلـيـل  الـهـضم تتذكر منازلنا وسواليها
چانـت مگصـد الـوفـاد تشد الراحلة ليها
مـشـينا  بلا حمى ولادار عگب داري ولياليها
اه  يــالــيــل .. مــاتـم حـيـل

يـلـيـل الـنـايبة وياك يليل المانطتني سهام
يـلـيل شما تطول تطول رويحي وترهى عالايام
عـهد  زينب نطت لحسين تكمل نهضته باحكام
اه  يــالــيــل .. مــاتـم حـيـل

للشاعر المرحوم الحاج  الشيخ عزيز الكلكاوي الكربلائي- 06/07/2009 م.